200-dən çox "Union" (Berlin) azarkeşi Çempionlar Liqasının qrup mərhələsinin 4-cü turunda "Napoli" ilə oyundan əvvəl iğtişaşlar törədib. 90plus.az İtaliya mediasına istinadən xəbər verir ki, noyabrın 7-də şəhərin mərkəzindəki bir neçə küçə Berlin təmsilçisinin azarkeşləri tərəfindən vandalizm və zorakılıq aktlarına məruz qalıb. Onlar bir neçə dəfə polislə münaqişəyə girib, fişənglər və tüstü bombaları atıblar. Polis dəyənəklərdən və gözyaşardıcı qazdan istifadə edib. Hadisə nəticəsində bir sıra küçələrdə vitrinlər və avtomobillər zədələnib, bir neçə azarkeş saxlanılıb.